སྐྱབས་མེད་མགོན་མེད།

འོད་ཟེར་གྱིས་བརྩམས།
འཇམ་དབྱངས་གྲགས་པས་དབྱིན་ཡིག་ལས་བསྒྱུར།

ངས་དེབ་ཅིག་བླངས་ཏེ
ཤོག་ངོས་འགའ་བཀླགས་རྗེས་ཟུར་དུ་བཞག
སྒེའུ་ཁུང་གི་ཕྱི་རོལ་དུ པེ་ཅིན་ནི
གདུང་ཚོར་དྲག་པོས་མནར་བཞིན་འདུག

སྨུག་ཀློང་གི་ཁྲོད་ནས ངས
ཐག་ཉེར་ཡོད་པའི་ཐོག་བརྩེགས་དག་ཀྱང་མཐོང་མི་ཐུབ
ངས་དོ་སྣང་བྱེད་ཡུལ་ངོ་མ་སྟེ
ངའི་ཞུམ་པ་མེད་པའི་ཁྱིམ་མི་དག
དེ་ལས་ཀྱང་ཐག་རིང་ཞིག་ན
མེ་ལྕེའི་ཁྲོད་དུ་གནས་ཡོད ཁོ་ཚོར
མདེའུ་དམར་པོ་ཞིག་གིས་གཞུས་སྲིད་དམ
༢༠༡༢་ལོའི་ཟླ་བ་༡ཚེས་༡༧ལ

མཆནཿལོ་འདིའི་ཟླ་བ་དང་པོའི་ཚེས་༡༤ཉིན་རྔ་བའི་གྲྭ་བ་ཞིག་གིས་རང་ལུས་མེ་བསྲེགས་གནང་སྐབས། ཉེན་རྟོག་པས་བཅར་རྡུང་བྱས་ཏེ་ཕྱི་མའི་ལམ་དུ་བརྫངས་ཡོད། ཕྱི་ལོ་༢༠༠༩ལོའི་ཕྱི་ཟླ་གཉིས་པའི་ཚེས་༢༧ནས་ད་བར་བོད་མི་བཅུ་བདུན་གྱིས་རང་ལུས་མེ་བསྲེགས་བཏང་ཟིན་ཅིང་། དེ་དག་ལས་བཅུ་གཉིས་ཀྱིས་ཚེ་སྲོག་མི་རིགས་ཀྱི་དོན་དུ་ཕུལ་ཟིན་པ་དང་། མི་བཞི་ཉེན་རྟོག་པས་ཁྲིད་དེ་ག་སོང་ཆ་མེད་དུ་གྱུར་བས། ད་ཆ་སྐུ་འཚོ་བཞུགས་ཡོད་མེད་ཀྱང་ཤེས་ཀྱིན་མེད། སྐུ་ཞབས་གཅིག་ད་ཆ་སྨས་སྐྱོན་ཚབས་ཆེན་ཕོག་སྟེ་དགོན་པར་ལུས་ཡོད།

གནས་ཚུལ་ཡོངས་ཁུངས http://jamyangdakpa.blogspot.com/2012/01/blog-post_30.html