སྒྲ་སྙན་གྱི་དབྱེ་བ།

 

སྒྲ་སྙན་གྱི་དབྱེ་བ།

མངའ་རིས་ཆོས་རྒྱལ་རྒྱ་མཚོའི་དུས། སྤྱི་ལོའི་དུས་རབས་བཅུ་བདུན་པའི་གོང་རོལ་དུ་སྟོད་ཁུལ་ལ་སྒྲ་སྙན་ཞེས་མི་ཟེར་བར་”རྒོད་པོ་”ཞེས་བརྗོད་པ་དང་། དེང་སྐབས་མངའ་རིས་རྩ་མདའ་རྫོང་སོགས་ས་གནས་འགའ་ཞིག་ལ་མུ་མཐུད་རྒོད་པོ་ཞེས་བརྗོད། མངའ་རིས་ས་ཁུལ་དང་གཞིས་རྩེ་དིང་རི། དེ་བཞིན་ཀོང་པོ་ས་ཁུལ་སོགས་ལ་སྒྲ་སྙན་གྱི་སྒྲ་སྒྲིག་སྲོལ་ནི་གསག་སྒྲིག་ཞེས་བརྗོད་ཞིང་དེའི་སྒྲ་སྒྲིག་སྟངས་གཤམ་གྱི་དཔེ་རིས་ལྟར་ཡིན།

ཕྱིས་ཧེ་མ་ལ་ཡའི་རི་རྒྱུད་ཀྱི་བོད་རིགས་ཁྱབ་ཁོངས་ལ་དྭགས་དང་འབྲུག་ཡུལ། འབྲས་ལྗོངས་སོགས་ལའང་བཟོ་དབྱིབས་འདྲ་མིན་སྣ་ཚོགས་ཀྱི་སྒྲ་སྙན་དར་ཁྱབ་བྱུང་ཡོད་སྟབས་དེ་ཚོའི་སྒྲ་སྒྲིག་སྲོལ་ཀྱང་སྤྱིར་ན་གསག་སྒྲིག་ཡིན་པ་དང་། དེ་བཞིན་ཨ་མདོ་ས་ཁུལ་ལ་དར་བའི་སྒྲ་སྙན་འབྲུག་མགོ་མ་དེའི་སྒྲ་སྒྲིག་སྲོལ་ཀྱང་སྤྱིར་ན་གསག་སྒྲིག་ཡིན། འོན་ཀྱང་ཨ་མདོའི་སྒྲ་སྙན་ལ་སྒྲ་སྒྲིག་སྲོལ་མི་གཅིག་པ་གཞན་ཡང་ཡོད།

དབུས་གཙང་གི་སྒྲ་སྙན་ཞེས་གཙང་པ་སྡེ་སྲིད་ཀྱི་སྐབས་ནས་བཟུང་དབུས་གཙང་ས་ཁུལ་གཞན་ལའང་དར་ཁྱབ་ཇེ་ཆེར་སོང་བ་དང་སྦྲགས་ལྷ་སར་ཡང་དར་ཁྱབ་བྱུང་ནས། ཕལ་ཆེར་ནང་མ་རོལ་དབྱངས་ཀྱི་ཤུགས་རྐྱེན་བྱུང་ནས་དེ་ཚོའི་སྒྲ་སྒྲིག་སྲོལ་ཀྱང་གཤམ་གྱི་དཔེ་རིས་ལྟར་བཅོས། སྒྲིག་སྲོལ་དེ་རིགས་ལ་དཀྱུས་སྒྲིག་གམ་དབུས་སྒྲིག་ཟེར།

མཆོད་སྤྲིན་གར་རོལ་ནང་ཐོག་མར་བེད་སྤྱད་པའི་སྒྲ་སྙན་རྒྱུད་བདུན་པ་དེའི་སྒྲ་སྒྲིག་སྲོལ་ནི་གཤམ་གྱི་དཔེ་རིས་ལྟར་ཡིན་ཞིང་། སྒྲ་སྒྲིག་སྟངས་དེ་རིགས་ནང་དཀྱུས་སྒྲིག་དང་གསག་སྒྲིག་གི་སྒྲ་རྣམས་ཚུད་ཡོད། ཕྱིས་སུ་གར་དཔོན་པ་སངས་དོན་གྲུབ་ལགས་ཀྱིས་རྒྱུད་བདུན་སྒྲ་སྙན་དེ་རྒྱུད་དྲུག་སྒྲ་སྙན་གྱིས་ཚབ་ཏུ་གནང་སྟེ། དེ་ནས་བཟུང་གར་གླུའང་རྒྱུད་དྲུག་སྒྲ་སྙན་གྱིས་དཀྲོལ་གཏོང་བྱེད། །

https://mp.weixin.qq.com/s?referFrom&songid&__biz=MzIwNzEyMzYxNw%3D%3D&mid=2650878002&idx=2&sn=2282b5cdbb3b698b6697bac34396cd2c&from=timeline&isappinstalled=0#wechat_redirect

 

3 Comments

  1. བོད་ཀྱི་ས་ཁུལ་ཁ་ཤས་ལ་ལོ་གསར་བརྩི་སྟངས་མ་འདྲ་བ་ཡོད་པ་དང་དེ་ལུགས་ལྟར་རྟེན་འབྲེལ་བྱེད་ན་ཡག་པོ་རེད། དཔེར་ན། མངའ་རིས་ལོ་གསར། ཀོང་པོ་ལོ་གསར།གཙང་གི་ལོ་གསར། རྒྱལ་རོང་ལོ་གསར་སོགས་།འདི་ཚང་མ་བོད་ཀྱི་ལོ་གསར་ཡིན། ས་གནས་ལོ་གསར་ཚང་མ་གཅིག་གྱུར་བྱེད་དགོས་དོན་ཡོད་པ་མ་རེད། ཡང་ན། ལྷ་ས་སྨན་རྩིས་ཁང་གི་ལོ་ཐོ་ནི་བོད་ཀྱི་ལོ་ཐོ་རེད་ལ་ཆབ་དཔལ་རིག་གསུམ་གཅིག་ཡིན་པའི་བོད་ཀྱི་ལོ་ཐོ་ལྟར་བོད་སྤྱིའི་ལོ་གསར་དུས་མཉམ་དུ་དགའ་སྟོན་རྟེན་འབྲེལ་ཞུ་བ་ཡག་པོ་རེད། ཆབ་དཔལ་རིག་གསུམ་ཐ་དད་ཡིན་པའི་ལོ་གསར་ནི་བོད་ཀྱི་ལོ་གསར་མ་རེད་ཅེས་ཞུ་གི་ཡོད།

  2. བོད་ལུགས་ཁ་བཏགས་ནི་དཀར་པོ་དཀར་རྐྱང་ཡིན་པས་དཀར་པོ་རང་བེད་སྤྱོད་གཏོང་རོགས། ཁ་མདོག་སེར་ཁྲ་དང་དཀར་ཁྲ། སྔོ་ཁྲ། ལྗང་ཁྲ། དམར་ཁྲ་ཅན་གྱི་རས་དར་ནི་རང་ལུགས་དང་མི་མཐུན་པས་བེད་སྤྱོད་ཁྱོན་ནས་མ་གཏོང་རོགས།
    《Tibetan Traditional Kha-btags》, published by Tibetan Library and Tibetan Government in Dharamsala, 1997.
    Using pure white Kha-btags is good enough. Do not use the  fake kadags; they are garbages. 
    ཁ་བཏགས་དཀར་པོ་ཡིན།  ཁ་བཏགས་ཁྲ་ཁྲ་མིན།  ཁ་བ་དཀར་པོ་ཡིན།  ཁ་བ་ཁྲ་ཁྲ་མིན།  གངས་རི་དཀར་པོ་ཡིན། གངས་རི་ཁྲ་ཁྲ་མིན།

  3. བོད་ནང་བོད་མིས་སྐད་ཡིག་བསྲུང་སྐྱོབ་ཆེད་གཅེས་པའི་སྲོག་ཚུན་བློས་བཏང་གིས་འཐབ་རྩོད་བྱེད་དང་བྱེད་མུས་ཡིན་པ་ཚང་མས་རྟོགས་བཞིན་པས། རང་དབང་ལུང་པའི་ནང་ཡོད་པའི་བོད་མི་ཚོས་ཚོང་ཁང་དང་ཟ་ཁང་གི་སྒོ་བྱང་ཚུན་བོད་ཡིག་ནང་བྲིས་མི་ཐུབ་པའི་རྒྱུ་མཚན་ཅི་ཡིན།

Leave a Comment

Your email address will not be published. Required fields are marked *

*