གངས་ཞུན། ང་ཚོས་འདི་ལྟར་ཁུ་སིམ་མེར་ལས་ཀ་ལས་བཞིན་ཡོད།

ང་ཚོས་འདི་ལྟར་ཁུ་སིམ་མེར་ལས་ཀ་ལས་བཞིན་ཡོད།

——ཁ་སང་པད་མ་ཚེ་བརྟན་ལ་ཐུག་དུས་ཚོར་སྣང་འདི་འདྲ་ཞིག་བྱུང་།

གངས་ཞུན།

མཐོང་མ་ཉིད་ནས

ཁྱོད་རྒས་འདུག་པ་ཚོར

གདོང་ནག་པོར་སོང་འདུག

གཉེར་མ་ཇེ་ཟབ་ཏུ་སོང་འདུག

སྐྲ་དཀར་ཡང་ཇེ་མང་དུ་སོང་འདུག

ཨེ   ལུས་པོའི་བདེ་ཐང་ཡང་ཇེ་སྡུག་ཡིན་ངེས

ཉིན་འགའ་ཡི་རིང་ལའང

ཁྱོད་རྒས་དྲག་སོང

ཁྱོད་རྒས་པ་མགྱོགས་དྲག་སོང་ཨང་།

འདི་དག་ནི་ངའི་སེམས་སུ་དྲན་པ་ཙམ་ཡིན

ཁ་ནས་བཤད་ཐུབ་ཀིན་མེད

འཕྲད་མ་ཐག་ནས

སྔར་བཞིན་གློག་བརྙན་གླེང་དགོས

བྱ་བ་གླེང་དགོས    འཆར་གཞི་གླེང་དགོས

དཀའ་ཁག་གླེང་དགོས    ཉེན་ཁ་གླེང་དགོས

རྒྱལ་ཁ་དང་ཕམ་ཁའང་གླེང་དགོས

ཁྱོད་སྔར་བཞིན་བྲེལ་འཚུབ་མེད་པར

འཛུམ་མདང་མེད་པར

ཨོ   སྐྲག་སྣང་ཡང་མེད་པར

འཇིག་རྟེན་ན་ངེད་གཉིས་ཁོ་ན་ལས་མེད་པ་ལྟར

བྱ་བའི་ཐབས་ལམ་ལྷུག་པར་བརྗོད

སྡུག་གཏམ་མེད   འགྱོད་གཏམ་མེད    འཁང་གཏམ་མེད

ངས་ཀྱང་མི་འཇིགས་པའི་ཚུལ་གྱིས

ཡོད་ཚད་ལ་གདེང་ཚོད་ཡོད་པའི་ཚུལ་གྱིས

ཅི་ལའང་མགོ་མི་སྒུར་བའི་ཚུལ་གྱིས

ཁྱོད་ཀྱི་ཁ་གཏད་ནས་ཁྱོད་ལ་བཅེར་ཏེ

བྱ་བའི་ལག་ལེན་ཞིབ་ཏུ་བཤད

ཐེ་ཚོམ་མེད  གཡོ་སྒྱུ་མེད  དྲན་འཕྲུལ་མེད

ང་ཚོས་ནམ་ཡང

ཕན་ཚུན་ལ་དྲན་གསོ་དང་

ཕན་ཚུན་ལ་སྐུལ་འདེད

ཕན་ཚུན་ལ་སྤོབས་པ་དང་ཡིད་ཆེས་སྟེར་བཞིན

འདི་ལྟར་ཁ་རོག་གེར

ཁུ་སིམ་མེར

རང་རང་གི་ལས་ཀ་ལས་བཞིན་ཡོད་ཨང་།

 

རྩོམ་སྒྲིག་པ། རྡོ་རྗེ་བསམ་འགྲུབ།

http://www.tibet3.cn/literature/poem/2017-09-07/22477.html

2 Comments

  1. ཆོས་བརྒྱུད་སྤྱི་འཐུས་དང་ཆོལ་ཁའི་སྤྱི་འཐུས་ཟེར་བ་དེ་གྲོས་ཚོགས་སུ་མེད་ན་བཟང་གི་སྙམ།གལ་སྲིད་ཆོས་བརྒྱུད་ག་གེ་མོའི་ཕྱག་ལས་ཚང་མ་བོད་གཞུང་ཆོས་དོན་ཁང་གིས་འོས་འགན་བཞེས་ཤིང་།མངའ་སྡེའི་སྤྱི་འཐུས་བོད་ཀྱི་སྲོལ་རྒྱུན་ཏུ་ཡོད་བསྡད་པའི་རྫོང་ནང་ཡོང་དགོས།དབུས་ཀྱི་སྤྱི་འཐུས་མངའ་སྡེ་ནང་ཡོང་དགོས་པར་སྙམ།རྫོང་། མངའ་སྡེ་དང་དབུས་ཡིན་པ།ཆོལ་ཁའི་ལྷན་ཚོགས་མི་དགོས།

    ཟུར་དུ་ཞུ་སྙིང་འདོད་པ་ཞིག་ལ།༢༠༡༦ལོའི་སྤྱི་འཐུས་ ལྷན་ཚོགས་ནང་སྲིད་སྐྱོང་་བློ་ བཟང་སེང་གེ་དང་མདོ་སྨད་སྤྱི་འཐུས་བློ་བཟང་ཆོས་འབྱོར་གྱི་བོད་ཀྱི་རྫོང་སོགས་ཀྱི་བཤད་ཚུལ་ཆ་ཚང་ ནོར་འཁྲུལ་ཡིན་པ་མ་ཟད། ནོར་འཁྲུལ་ཚབས་ཆེན་རེད།ཁོང་རྣམ་པ་གཉིས་ཀའི་གསུང་གཞིའི་རྫོང་ཁག་དེ་དག་བོད་ཀྱི་་སྲོལ་རྒྱུན་དུ་ཡོད་པའི་རྫོང་ཁག་རྣམས་མ་རེད།རྒྱ་དམར་ཀྲོང་གོའི་གཞུང་གི་ད་ལྟའི་སྲིད་འཛིན་ས་ཁུལ་གྱི་འབྱེད་སྟངས་ཤིག་རེད།

  2. བོད་ལུགས་ཁ་བཏགས་ནི་དཀར་པོ་དཀར་རྐྱང་ཡིན་པས་དཀར་པོ་རང་བེད་སྤྱོད་གཏོང་རོགས། ཁ་མདོག་སེར་ཁྲ་དང་དཀར་ཁྲ། སྔོ་ཁྲ། ལྗང་ཁྲ། དམར་ཁྲ་ཅན་གྱི་རས་དར་ནི་རང་ལུགས་དང་མི་མཐུན་པས་བེད་སྤྱོད་ཁྱོན་ནས་མ་གཏོང་རོགས།
    《Tibetan Traditional Kha-btags》, published by Tibetan Library and Tibetan Government in Dharamsala, 1997.
    Using pure white Kha-btags is good enough. Do not use the  fake kadags; they are garbages. 
    ཁ་བཏགས་དཀར་པོ་ཡིན།  ཁ་བཏགས་ཁྲ་ཁྲ་མིན།  ཁ་བ་དཀར་པོ་ཡིན།  ཁ་བ་ཁྲ་ཁྲ་མིན།  གངས་རི་དཀར་པོ་ཡིན། གངས་རི་ཁྲ་ཁྲ་མིན།
    使用純潔白哈達,廢除黃花色,白花色,綠花色,藍花色,紅花色等,各式腐蝕圖伯特傳統文化的垃圾货,假哈達。抵制文化侵略,污染,殖民符號。

Leave a Comment

Your email address will not be published. Required fields are marked *

*