བདུད་རྒྱལ། འཇིག་རྟེན་དང་ཉེ་བ།

 

འཇིག་རྟེན་དང་ཉེ་བ། (ཁག་དང་པོ།)

འོད་ཟེར་ཉིན་རེ་བཞིན་དུ་མག་མོག་རེད།།
མུན་པ་ཉིན་རེ་བཞིན་དུ་འཁྲིག་འཁྲིག་རེད།།

བདེན་པ་ཉིན་རེ་བཞིན་དུ་ཐུང་ཐུང་རེད།།
རྫུན་མ་ཉིན་རེ་བཞིན་དུ་རིང་རིང་རེད།།

མི་ཚེ་ཉིན་རེ་བཞིན་དུ་ནག་ནོག་རེད།།
མདུན་ལམ་ཉིན་རེ་བཞིན་དུ་འགྱུར་འགྱུར་རེད།།

མི་རིགས་ཉིན་རེ་བཞིན་དུ་ཉུང་ཉུང་རེད།།
རྒྱལ་ཁབ་ཉིན་རེ་བཞིན་དུ་འཁྲུག་འཁྲུག་རེད།།

དཔལ་འབྱོར་ཉིན་རེ་བཞིན་དུ་ཇེ་དར་རེད།།
ཚན་རིག་ཉིན་རེ་བཞིན་དུ་གོང་འཕེལ་རེད།།

ཆོས་ལུགས་ཉིན་རེ་བཞིན་དུ་དམའ་དམའ་རེད།།
འཇིག་རྟེན་ཉིན་རེ་བཞིན་དུ་རྒུད་རྒུད་རེད།།

2011.12.20 ཉིན་ནང་ཆེན་ནས།

http://sangdhor.com/blog_c.asp?id=7316&a=1008622 

འཇིག་རྟེན་དང་ཉེ་བ། (ཁག་གཉིས་པ།)
ཚ་བ་ཉིན་རེ་བཞིན་དུ་ཇེ་ཆེ་རེད།།
ལྷགས་རླུང་ཉིན་རེ་བཞིན་དུ་ཇེ་དམའ་རེད།།

ཁ་བ་ཉིན་རེ་བཞིན་དུ་ཇེ་ཉུང་རེད།།
ཆར་བ་ཉིན་རེ་བཞིན་དུ་ཇེ་མང་རེད།།

རྩྭ་ཐང་ཉིན་རེ་བཞིན་དུ་མཛེས་མཛེས་རེད།།
ས་གཞི་ཉིན་རེ་བཞིན་དུ་ཡག་ཡག་རེད།།

མེ་ཏོག་ཉིན་རེ་བཞིན་དུ་ཇེ་ཡག་རེད།།
སྤང་ལྗོངས་ཉིན་རེ་བཞིན་ཇེ་བཟང་རེད།།

སེམས་པ་ཉིན་རེ་བཞིན་དུ་ཇེ་སྤྲོ་རེད།།
དགོད་སྒྲ་ཉིན་རེ་བཞིན་དུ་མང་མང་རེད།།

སྙན་ངག་ཉིན་རེ་བཞིན་དུ་དར་དར་རེད།།
སྒྱུ་རྩལ་ཉིན་རེ་བཞིན་དུ་ཕྱུག་ཕྱུག་རེད།།

2012/5/29 ཉིན་ཟུར་མང་ནས།

http://sangdhor.com/blog_c.asp?id=7394&a=1008622

Leave a Comment

Your email address will not be published. Required fields are marked *

*