ལས་སྐལ་གྱི་ཁུར་ཙ།

རྩོམ་པོའི་ཡིག་ཚགས།

མྱ་ངན་ཞུ་བ།
[ སེང་རྡོར། ] [ 2011-10-11 ]

གསོན་པ་ནི་ཤི་བ་ལས་ཀྱང་ཐུ་བའི་བློ་ཕམ་ཞིག་གིས
ཁྱོད་ཚོ་དམར་འདག་འདག་གི་རུས་ཀྲང་རེ་ལ་གྱུར

མེ་ཡི་ཁ་འགུལ་ལོ མེ་ཡི་ལག་པ་གསོར་རོ
མེ་ཡི་བྲང་ག་སྟོན་ནོ མེ་ཡི་ཕྲེང་བའང་རྡོག་རེ་དུམ་རེ་བཞིན་ས་ལ་ཐོར

དུ་བ་ལྷོག་ལྷོག་གི་ཁུང་བུ་མང་པོ་གདངས་ཏེ
དགོན་པའི་རྒྱ་ཕིབས་ལ་བལྟའོ གྲྭ་ཤག་རེ་རེའི་སྒོ་ལ་བལྟའོ

སྐད་ཅིག་མ་དེར རྩྭ་ཐང་གི་ཆ་གཅིག་ལ་བུ་ཡུག་འཚུབས
རྩྭ་ཐང་གི་ཆ་གཞན་དག་ལའང་བུ་ཡུག་འཚུབས
རླུང་བུའི་རྒྱུ་ཕྱོགས་དང་བསྟུན་ཏེ ནག་ཉེར་ཉེར་པ་ཁྱུ་ཞིག་ཀྱང་ངང་གིས་ལྷགས

༢༠༡༡ལོའི་ཧོར་ཟླ༡༠པའི་མཚན་མོ་ཞིག་ལ་ཐོལ་གྱིས་བྲིས།

http://www.sangdhor.com/blog_c.asp?id=4907&a=sangdhor